140 padexeiros de 18 clubs de Galicia, Castela León, Asturias, Baleares e Cataluña participarán a próxima fin de semana no Campionato de Augas Bravas (3ªCopa de España Clásica e Sprint e Campionato de España de Patrullas Clásica). As probas serán clasificatorias para a Liga Galega e para o mundial nas probas individuais.
As competicións desenvolveranse os días 11 e 12. O día 11, ás tres da tarde, terá lugar a Copa de España de Sprint individual, nun tramo de 300 metros situado no río Sil, con saída á altura da pasarela do Malecón que comunica co Salgueiral. O domingo, en no tramo do río Sil comprendido entre o Malecón (á altura das piscinas de verán), e a localidade de Arcos, terán lugar as probas de Copa Clásica (con saída as 10 da mañá), e o Campionato de España de Patrullas Clásica, desde as 11,30 horas.
